Hapja e Ueb-faqes së Kuvendit Komunal të Prishtinës është edhe një dritare e re, prej nga qytetarët e Prishtinës mund të informohen për të gjitha të arriturat, por edhe për sfidat me të cilat përballet Cdo ditë administrata e Komunës së Prishtinës. Përmes kësaj faqeje, kryeqytetasit tash e tutje, jo vetëm që mund t'i përcjellin të gjitha punët dhe aktivitetet e Komunës së Prishtinës, por ata edhe mund t'i shprehin vizionet dhe sugjerimet e tyre për qytetin e tyre ku jetojnë e punojnë. Ueb-faqja e Komunës së Prishtinës, e cila përgatitet nga Zyra për Marrëdhënie me Publikun është edhe një urë lidhëse midis udhëheqjes së Kuvendit Komunal dhe qytetarit, si dhe një Casje e re për t'i avancuar projektet, të cilat na presin në të ardhmen. Bashkëpunimi i kryeqytetasve me administratën e Komunës së Prishtinës, gjithmonë është i mirëpritur.